បុរសម្នាក់លង់ទឹកស្លាប់សង្ស័យមកពីខ្យល់គរ
10-May-2016 | ដោយ មែន កំសត់
កំពត៖ សពបុរសម្នាក់ត្រូវបានរកឃើញនៅក្នុងទឹក បាតព្រែក ក្រោយបាត់ខ្លួនមួយរយៈពេលយូរ បន្ទាប់ពីហែលលេងជាមួយមិត្តភក្តិនារំលងអធ្រាត្រឈានចូលថ្ងៃទី១០ ខែឧសភា ឆ្នាំ២០១៦។ ភាពភ្ញាក់ផ្អើលនេះ បានកើតឡើងនៅកន្លែងកម្សាន្ត សម្រាប់ជនបរទេសមួយ ស្ថិតក្នុងភូមិអូរតូច សង្កាត់អណ្តូងខ្មែរ ក្រុងកំពត។ មានការសង្ស័យថា អាចជនរងគ្រោះកើតអាការៈមិនស្រួលខ្លួន ទើបបណ្តាលឱ្យខ្យល់គរពេលកំពុងហែល រួចលិចចុះទៅបាតទឹកតែម្តង។
សមត្ថកិច្ចបានឲ្យដឹងថា ជនរងគ្រោះឈ្មោះ ឡូ ហ្គែនង្វៀង អាយុ២៨ឆ្នាំ ជនជាតិវៀតណាម ជាអ្នកគ្រប់គ្រងការងារក្នុងហាងបម្រើភ្ញៀវបរទេសមួយផ្សេងទៀត មានទីតាំងក្បែរកន្លែងកើតហេតុ។ មិត្តភក្តិររបស់ជនរងគ្រោះ បានរៀបរាប់ប្រាប់សមត្ថកិច្ចថា នៅវេលាម៉ោងប្រហែលជា១ រំលងអធ្រាត្រឈានចូលថ្ងៃទី១០ ខែឧសភា ក្រោយវិលត្រឡប់មកពីស៊ីផឹកនៅក្រុងកំពតចំនួនពីរកន្លែង ពួកគេក៏បន្តចូលមកកន្លែងកើតហេតុដោយនៅទីនេះ គេហាក់មានអាការៈមិនស្រួល ខ្លួនឧស្សាហ៍ក្អួតជាញឹកញាប់។ ក្រោយមកជនរងគ្រោះ ក៏បានចុះហែលទឹកព្រែកលេងជាមួយ នារីបរទេសពីរនាក់។ ដោយមិនបានចាប់អារម្មណ៍ស្រាប់តែបាត់បុរសរូបនោះ មួយសន្ទុះធំធ្វើឱ្យមិត្តភក្តិឆោឡោតាមរក ក៏ប្រទះឃើញនៅបាតទឹកដោយដៃកាន់ឱបជាប់នឹងសរសរឈើមួយ ដើមទើបប្រញាប់ប្រញាល់ស្រង់ឡើងគោកភ្លាមៗតែគេបានស្លាប់ទៅហើយ៕
ចំនួនអ្នកទស្សនា
- ថ្ងៃនេះ6141
- ម្សិលមិញ20231
- សប្តាហ៍នេះ85221
- ខែនេះ107101
- ឆ្នាំនេះ107101
- សរុប20549557